歐國盃：熱捧7倍德荷冷敲40倍英法

猪拉多纳

馬會足智彩於歐洲國家盃期間有多項特別受注項目，除冠軍、小組首名及神射手之外，決賽組合亦好考大家眼光。翻查紀錄，原來自從96年決賽周參賽隊伍增至16隊開始，每隔一屆就會出現兩支決賽隊伍來自分組賽同一小組，難怪來自死亡B組的「德國-荷蘭」被視為7倍大熱，另外D組的「英格蘭-法國」目前有40倍亦屬敲冷佳選。

由於賽事規定同一小組球隊於出線後、直至決賽都不會在淘汰賽階段碰頭，所以投X決賽組合時，揀同組球隊起碼唔會「擺烏龍」。由96年決賽周參賽隊伍增至16隊開始起計，近4屆有2次決賽分子是來自同一小組，分別為96年德國與捷克及04年希臘與葡萄牙，如果依照此「單跳」走勢，今屆錦標亦會由兩支同組別球隊角逐。
德國荷蘭大賽專家

身處B組的德國、荷蘭分別為今次奪標次熱及第三熱門，實力當然有保證，而且德國是上屆歐國盃亞軍，荷蘭則是世界盃亞軍，俱有豐富淘汰賽經驗，如果能夠順利攜手出線，於決賽再碰頭並非奇事。但有一點值得留意，自從96年增加參賽球隊數目之後，從未有一支球隊能夠連續兩屆殺入決賽，德國想繼上屆之後再次進身決賽先要打破此宿命。
英格蘭被睇淡變奇兵

如果要揀符合以上條件、本身又具爭標實力的球隊，可留意D組的「英法配」。英格蘭今屆陣前易帥，巴利、林柏特、加利卡希爾又先後因傷退隊，加上朗尼於頭兩輪分組賽停賽，外界都未敢寄予厚望，但正所謂知恥近乎勇，而且英倫球員在被睇淡之下經常有神來之筆，車路士能夠捧走今屆歐聯冠軍便是最好例子，所以絕不能過分輕視英軍。至於法國在白蘭斯領導下已保持連續二十場國際賽不敗，表現四平八穩，將是今屆爭標一路奇兵，如果想以小博大可敲40倍的「英法配」。
西班牙-荷蘭9倍（編號：3 ）

剛啱過去嘅南非世盃，就係由一對歐洲強隊西班牙及荷蘭構成決賽組合，有望喺決賽再度交鋒。西班牙被認定為歐洲最強國家隊，其地面進攻極具威脅性，屬今屆奪標熱門球隊。至於荷蘭實力一樣強勁，要殺入決賽唔係難事。
德國-俄羅斯30倍（編號：18）

歷史上打入歐洲國家盃決賽次數最多球隊，第一當然德國，而第二就係俄羅斯。雖然俄羅斯（前蘇聯）歷史上只贏過一次冠軍，但64、72及88年都成功打入決賽，表現絕唔失禮。「德俄」一條決賽Q有30倍可謂相當吸引。
意大利-法國70倍（編號：42）

意大利與法國都係歐洲名牌球隊，過往亦曾於決賽碰頭，包括2000年歐洲國家盃決賽以及2006年世盃決賽。就算唔計決賽，兩支球隊亦有過多次對賽紀錄，話唔定今年又喺決賽會面。