歐國盃：水鬥水寧搵波蘭做膽

猪拉多纳

足智彩將俄羅斯列為A組首名熱門，但其實佢哋嘅領隊艾禾卡特已經有晒後路，歐國盃後會離隊執教燕豪芬，加上陣中主力得富咸射手普格恩耶克狀態比較似樣，隊長艾沙維同前鋒柏夫里約真高同樣踢唔掂英超，分組賽出局唔奇，小組首名揀波蘭好過。

其實A組4隊實力都係有限公司，捷克依然要靠射手巴路士、隊長路斯基同門將施治，而且路斯基最近又受傷，歐國盃未必操得番起狀態，所以東道主之一嘅波蘭，同埋外圍賽有好表現嘅希臘，似乎更信得過。特別係波蘭有多蒙特3劍俠壓陣，旺氣夠又有主場優勢，有條件首名出線，次名則揀希臘。

推介：波蘭 - 希臘 （12倍）