翼鋒「大」決戰

猪拉多纳

希拉爾今晚喺亞冠盃16強主場對賓尼耶斯，等於兩大翼鋒韋希姆臣同耶斯迪大決戰，之前佢哋受過傷，最近已分別谷番起狀態，加上雙方嘅外援射手開始上力，駁火爭出線玩1.59倍入球大着數！（開賽時間：周四凌晨2:10）
韋希姆臣 耶斯迪弗番晒

16強一場過決勝負，上屆希拉爾有埃及射手阿密阿利、羅馬尼亞中場拉度爾同南韓左閘李榮杓壓陣，星味都幾足，雖然佢哋已經走清光，但現時陣中嘅摩洛哥射手艾阿拉比、南韓前鋒俞炳守同瑞典翼鋒韋希姆臣，佢哋全部有代表國家隊出戰經驗，當中艾阿拉比更加喺分組賽勁入4球！韋希姆臣更巴閉，瑞典出戰今屆歐國盃決賽周，依然有預埋佢，呢位翼鋒實力有番咁上下，一般對手好難擋得住。

另一邊廂，賓尼耶斯嘅耶斯迪曾經被譽為畢爾包「左腳王」，32歲完全唔算過氣，分組賽更加有2球進帳，而且塞內加爾射手安祖辛荷上力連續兩場分組賽入波，既然近4場入12球嘅賓尼耶斯咁有火，相信今仗唔會悶親球迷！
亞冠盃賽制

今輪為16強賽事，以一場過分勝負，若法定時間內打成平手，則需加時作賽，再和則互射12碼決勝。