聖保羅主守敲3.45倍和

猪拉多纳

今晚巴西盃8強次回合，有巴乙嘅戈亞斯主場迎戰巴甲球隊聖保羅，客軍有2球優勢喺手，今仗冇必要喪攻，加上戈亞斯主場絕對唔好恰，不如敲3.45倍和局，博聖保羅打守勢波安全晉級啦！（開賽時間：周四早上9:00）
戈亞斯主場唔好恰

雖然聖保羅首回合主場出擊贏2:0，不過即使有優勢在手，今場都唔會放膽去攻，皆因佢哋上仗以2:4輸畀保地花高，令有份入波嘅路爾斯法比安奴蒙上陰影，佢更呼籲隊友適時防守：「我哋需要做好啲防守，要做一支攻守平衡嘅球隊。輸波嘅話，無論我哋入到幾多球都係冇用，今場唔可以再畀呢件事發生！」

其實法比安奴主守嘅諗法冇錯，因為戈亞斯主場一啲都唔好蝦，近9場更加贏8場，巴甲球隊明尼路都曾經喺佢哋地頭輸波，聖保羅今場都係小心駛得萬年船，求不敗穩陣晉級算喇！