西里安斯卡「+1」得米

猪拉多纳

米贊比本季勝率不及三成，作客仲學人讓波，梗係捧對家！瑞典超續有四場賽事，西里安斯卡主場撼米贊比，西軍復甦近四戰贏三場，仲有王牌射手杜馬復出，米軍於頻密賽程下讓波擇使，拿仁捧「讓球主勝」。（周四凌晨1時開賽）
加費萊攻力差吼細

另一仗諾高平主場鬥阿維達貝治合演打吡戰，諾軍兩連敗狂失十一球後防曳極，阿維達貝治翻生受讓抵捧，一於要「讓球客勝」。再介紹加費萊主場鬥奧雷布洛，兩軍屬聯賽攻力最差球隊，呢場相信係水鬥水悶戰機會極大，捧細盤最好不過。