桑恩達虛火已過吼細

猪拉多纳

大部分歐洲主流聯賽已經收咧，北歐聯賽則大開快車，周四凌晨五場挪超，阿King推介桑恩達主場鬥辛尼斯開細盤。桑恩達季初虛火已過，計埋盃賽連輸五場僅入一球，辛尼斯作客唔算叻，穩打穩紮亦唔會同你鬥攻，1.87倍入球細好路。

（周四凌晨1時開賽）

桑恩達季初演出令人眼前一亮，頭六輪聯賽面對傳統勁旅洛辛堡、華拉倫加及上季冠軍莫迪都能保持不敗，可惜自從喺挪威盃意外被低組別對手費洛羅淘汰，球隊恍如洩氣皮球，近五場比賽全部輸晒，當中更有四場交白卷，表現令人失望。辛尼斯新升班成績不過不失，預料作客會以一分為目標，入球細係投X首選。
華拉倫加食到洛辛堡

另外兩場挪超賽事，史卓加斯特主場鬥奧特格寧蘭，史軍能排榜首某程度同其他球隊表現失準有關，奧軍近五場作客不敗，捧「讓球客勝」。最後華拉倫加主場鬥洛辛堡，洛辛堡作客表現不及主場，而且對上六次作客華拉倫加僅得一勝，平手盤捧主隊。