韋斯咸打黑冇手軟

猪拉多纳

韋斯咸、黑池會師溫布萊，為11億打生打死！英冠升班附加賽決賽，邊隊贏就升上英超，鯨吞9,000萬鎊收益。「錘仔幫」及時谷起狀態，兩回合數卡迪夫城五粒晉級，除路蘭、麥克盧保、華斯迪勒唔住外，哥利臣亦傷愈復出，氣勢、班底都贏晒黑池，讓平半抵玩！（now 638周六晚10時直播）

韋斯咸準決賽巧遇卡迪夫城，成班波脫胎換骨，打出整季代表作，作客贏完兩粒，主場更數夠三蛋，兩回合淨勝五球，氣勢如虹。「錘仔幫」陣中過半數球員都有英超級數，依家狀態信心返晒嚟，加上中場大將、作客卡城梅開二度嘅哥利臣亦能復出，「錘仔幫」牌面贏晒，目前領隊艾拿戴斯只要適當處理球隊壓力，應該水到渠成。
黑池往績輸蝕

黑池準決賽搞掂伯明翰當然亦叻仔，但領隊荷路維攻擊踢法，始終唔啱於決賽發揮。兩年前黑池於決賽贏波，艾拿戴斯老謀深算，賽前必做好部署應對。韋斯咸後防穩擅打穩守突擊，故成本季「作客王」，於中立場出戰未驚過；而聯賽兩鬥黑池，分別贏四比○同四比一，今場小讓信得過。

猪拉多纳