沙士菲一球在手歎細界

猪拉多纳

歐洲波近尾聲，大家不妨將焦點轉移去南美波，明早就有兩場南美自由盃十六強次回合，頭場由阿根廷勁旅沙士菲主場對哥倫比亞國民體育會。沙士菲首回合贏一比○，手握晉級主動權，而且下仗聯賽要惡鬥小保加，今仗或會勒住踢，主W太熱冇肉食，寧捧1.85倍入球細。

（有線61及201台周三早上7時直播）

沙士菲踢法傾向穩陣，首回合一早打開紀錄，但並未有加強壓迫，最終僅小勝一球。既然已有領先優勢，相信今仗亦唔會太進取。除形勢上沙士菲毋須冒進之外，亦要留意佢哋下仗阿甲要作客勁敵小保加，呢場屬於爭標「六分波」，對於積分落後嘅沙士菲而言絕對不容有失，預料沙士菲今場會盡量控球在腳歎慢板，以免消耗過多體力。至於國民體育會近況差，已連續六場比賽未贏過，而且近十場作客僅一勝，想反撲亦有心無力。
藍十字焗攻唔掂

另一場由巴拉圭利伯泰迪主場對墨西哥藍十字，雙方首回合打和一比一，利伯泰迪有作客入球在手，可以睇定食。反觀藍十字被迫搶攻，但佢哋防線不穩，近三仗共失五球，壓前進攻隨時得不償失，捧主勝。（周三早上9時30分開賽）