聖伊天爭歐霸搏甩髀

猪拉多纳

02/05/2012
文： 安高

法甲爭標去到最後衝刺階段，突然腳軟被拋甩5分嘅巴黎聖日耳門（PSG），今晚喺主場迎戰都要爭逐歐霸盃資格嘅聖伊天，撞正後者近期3連勝氣勢一流，想攞3分真係唔容易。PSG讓波，安高寧願博2.3倍「讓球客勝」好過。（開賽時間：周四凌晨3：00）

畀榜首蒙彼利埃拋甩5分

排法甲次席嘅聖日耳門近7場聯賽只得2勝3和2負，喺爭標形勢上已經畀榜首蒙彼利埃拋甩5分，聯賽剩番4輪，當然係1分都不能少。不過，佢哋今晚想贏都有心無力，上仗睇住佢哋對住里爾喺領先1球下，最終都畀對手反勝2：1，對士氣打擊唔細。PSG今仗仲會有後防主力馬馬度沙高停賽，防線有隱憂唔多穩陣。


客隊方面，聖伊天3連勝追到上第6位，距離有得踢歐霸盃嘅第4位雷恩只差1分，鬥志根本毋須懷疑。加蓬射手奧巴美揚近仗重拾射門鞋，球隊鋒力值得信賴，就算係作客出擊，安高都相信佢哋會搶得到分。