熱拿亞中立場出戰唔赦「里」

猪拉多纳

02/05/2012
文： 九叔

熱拿亞今季立立亂，單係過去10個月已經炒咗3個教頭，回巢嘅迪簡尼奧任務好簡單，就係要帶隊護級！今晚就係佢老人家開齋嘅好時機，皆因對家卡利亞里一離開自己地頭就腳軟，錄得5連敗劣績，捉路嘅話當然繼續反，撐1.88倍熱拿亞主W。（開賽時間：周四凌晨2：45）


上個月底熱拿亞輸咗鑊勁嘅畀錫耶納，激到班主場粉絲係咁掟嘢、仲叫球員除衫，連隨仲殺埋落球場搗亂洩憤。意大利足總嗰邊即刻做嘢，已經判罰熱拿亞冇晒最後兩仗主場之利，今場波亦順理成章，移師去布雷西亞嘅列加蒙迪球場舉行兼閉門作賽。不過阿成覺得，熱拿亞冇咗班激進球迷喺度，反而會冇咁大壓力，踢得爽啲。

卡利亞里離小島即腳軟

查實自迪簡尼奧掌舵之後，熱拿亞表現明顯好咗，佢哋前仗以寡敵眾輸0：1畀AC，上仗對弗到爆嘅博洛尼亞亦只係僅輸2：3，班兵為咗護級，今仗面對咁高咁大嘅卡利亞里，相信係時候贏波止血。


睇番戰績，對家卡利亞里原來係典型地頭蟲，佢哋一冇咗主場之利，對上10場作客賽事全部失分，最近5仗仲輸晒添，今鋪呢支小島球隊去到布雷西亞中立場比賽，隨時又輸波而回，搶分心切嘅熱拿亞有基拿甸奴搭柏拉斯奧攻堅，夠晒本錢開W。

卡利亞里冇主場任人劏

2012/04/22 0：3負 帕爾馬


2012/04/13 0：1負 博洛尼亞

2012/03/25 0：1負 拉　　素

2012/03/10 3：6負 拿玻里

2012/03/04 0：3負 錫耶納