蒙彼利埃爭冠決心「大」

猪拉多纳

01/05/2012
文： 查理阿蛋

法甲剩番4輪賽事，蒙彼利埃拋離第二嘅巴黎聖日耳門5分，大有可能奪冠，不過今晚嘅訪客伊維恩近況大勇，捧蒙彼利埃1.35倍主W反不及1.8倍入球大穩陣。（now633台周三凌晨3：00直播）


蒙彼利埃大有可能首次奪得法甲冠軍，班球員梗係上下一心博到盡啦！中場貝漢達、射手基奧特同埋蘇利文尼卡馬拉3個包辦晒近6場9個入球，更贏足5場，火力絕對唔需要擔心。

伊維恩作客4連勝

對手伊維恩今季對親里爾、聖日耳門等勁旅都冇好下場，不過話晒有巴里加特、恩歷克沙保等猛將壓陣，近仗戰績亦相當突出，最近10場聯賽贏出7仗之餘，作客更加連贏4場，今仗極有可能破到主隊嘅防線，齊齊合演入球騷。