燕豪芬作客曳捧唔「洛」

猪拉多纳

29/04/2012
文： 自由恒

唔少人到季尾揀波都會以戰意行先，不過要搶分嘅往往都熱得好唔合理，特別係能力有限嘅護級隊伍，想贏番場都係有心無力，捧場客絕對冇必要同佢哋共存亡，反而個別星級球隊近期就長衰長有，英超就有利物浦，意甲就係國際米蘭，荷甲方面就一定要數到燕豪芬。


燕豪芬喺上半季表現唔曳，都幾有機會爭冠，不過歇冬後因要兼顧歐霸盃淘汰賽，早就被逐出爭標行列，之前捧走荷蘭盃都算執到。佢哋雖然仲有機會爭做「二哥」，攞番張歐聯附加賽入場券，奈何佢哋近6次作客竟只得1勝5負，今晚出戰洛達完全唔似有條件搶分。

洛達近8次主場僅1敗

事實上，對手洛達本身亦有一定實力，除咗近8次主場僅1敗之外，亦連續3場保持不失，話晒佢哋都未穩奪歐霸盃附加賽資格，戰意十足有望延績近期氣勢，受讓必捧2.1倍「讓球主勝」。（now639台周日晚6：30直播）