另類創富坊

猪拉多纳

29/04/2012

項目︰半全場


推介︰些路迪客和


今晚蘇超上演些路迪主場對格拉斯哥流浪的傳統大戰，戰況一定激烈！由於雙方成績已塵埃落定，冇晒包袱定必盡情進攻，尤其係流浪近況勇銳，經常於半場領先，當然些路迪對住死敵唔想輸波咁失威，預計主隊會逼和對手，所以半全場可揀有15倍的客和。


（now 638周日晚7時45分直播）


項目︰第一隊入球


推介︰羅斯托克

德乙排尾二嘅羅斯托克今晚作客柏林聯，如果贏唔到極可能降班，今仗必然主動豁出去一戰，以佢哋近三場作客贏兩場嘅走勢，絕對有得打。尤其係柏林聯已經踢緊「風流波」，球員依家等緊放假，相信唔會壞對手好事。羅斯托克可望趁機先開紀錄，客軍第一隊入球有2.25倍，值得一試。（周日晚7時30分開賽）

項目︰半場主客和

推介︰國民隊勝

葡超國民隊近期表現不俗，最重要是球隊近八仗賽事有六仗於半場已取得入球，足證這支球隊半場入球能力不俗。國民隊今仗雖要作客塞圖巴爾，但球隊近兩場作客賽事贏波之餘，半場已領先對手，今仗作客大有機會重演歷史，「半場主客和」客W有2.95倍，值得捧場。

（周日晚11時開賽）

項目︰總入球

推介︰奈梅亨1、2球

講起荷甲投X者都諗到入球大，但一本通書點可以睇到老？奈梅亨同華域克呢個配對組合，近五次交手都係開細。目前兩軍都踢緊風流波，冇嘢好爭下近期係咁hea踢，尤其係華域克，近十一仗九次開細。睇番近五次對賽成績，四次開總入球「1」球，而奈梅亨近期旺開總入球「2」球，今次一於買晒兩瓣。（周日晚10時30分開賽）

項目︰半場大細

推介︰國際米蘭大

數近期翻生球隊，當然要提國際米蘭。自新教練上場後，「藍黑兵團」演出大大好轉，五戰三勝二和，攻力亦明顯比之前有改善。國米要省招牌，除要贏波外仲要贏得漂亮，今輪主場對切塞納，肯定一開波就攻到對手氣咳。客軍啱啱降班，球員可謂「零士氣」，又點頂得住國米？國米近五仗四次開「半場大細」大盤，今次遇弱必然再斬四両，呢個大盤要追。（周日晚9時開賽）

項目︰單雙

推介︰馬拉加雙

玩單雙最好係睇往績，西甲馬拉加主場對華倫西亞的雙就最好路。西甲一向入球率偏高，馬拉加近八場有五場開雙，而華倫西亞近八場有六場開雙，加上馬拉加主場對親華倫非常旺雙，近六次對碰開出四次，呢場個雙係不二之選。

（now 632周一凌晨零時直播）

項目︰首名入球

推介︰費蘭度托利斯

車路士剛於歐聯激戰地上最強巴塞隆拿，王子費蘭度托利斯尾段士哥做英雄，呢位西班牙射手沉寂多時，上場對巴塞個士哥有望令佢重拾信心。由於老將杜奧巴搏得盡，預計托利斯會擔正攻堅，車仔依家打一個中鋒，主場對住昆士柏流浪條豆腐防線，實有大把機會士哥，絕對係首名入球熱門之選。

（有線300及200台周日晚8時30分直播）

項目︰讓球

推介︰薩拉戈薩下盤

西甲畢爾包剛於上周中打入歐霸盃決賽，球員完成一大任務，心情仍沉醉於慶祝之中，或會稍為鬆懈。事實上，佢哋今季目標已放晒喺歐霸盃及西班牙盃決賽，聯賽對佢哋而言意義已不大，今晚作客薩拉戈薩，讓波制唔過。薩拉戈薩正全力搶分護級，早前贏過另一支歐霸盃決賽球隊馬德里體育會，而且佢哋近五次主場對畢爾包贏咗四次，薩軍受讓平半，下盤抵玩。（周日晚10時開賽）