萊切救命有飛撐

猪拉多纳

29/04/2012
文： SAMVO肥叔

意甲季尾護級形勢都幾明朗，榜尾切塞納鐵定降班，尾二路華拿死咗九成，尾三萊切落後尾四熱拿亞一分，仲有機會逃出生天，今輪萊切主場對帕爾馬受到熱捧，飛數硬淨，值得注意！（周日晚9時開賽）


戰至季尾階段，萊切仲未放棄護級，早前曾於主場大勝實力分子羅馬，證明呢班波真係唔曳，上次對住另一強隊拿玻里輸波敗不足辱，今次留守主場對住帕爾馬，一定要盡力搶分。帕爾馬三連勝好似好弗咁，但今場竟然有得受讓半球，飛數異常冷落，無謂拗頸，捧萊切啦！

阿特蘭大正氣唔肯和

同時開波嘅阿特蘭大主場對費倫天拿，捧主隊！今場好多莊家低開和波賠率，睇個款似係默契波，不過，阿特蘭大主場出戰向來正氣，應贏則贏，好少搞搞震。費倫天拿近期接連作客戰勝AC米蘭同羅馬等勁旅，表現確係非常出色，但呢支搵食球隊贏夠後隨時獲利回吐，絕對信唔過，捧對家！


另外，名牌球隊國際米蘭季尾逐漸回勇，呢類豪門踢番起信心好難擋，今輪主場對住已經降班嘅切塞納有機會大開殺戒，讓得多一樣可捧場。

肥叔心水

皇家馬德里大


車路士 細

阿特蘭大 平手盤

國際米蘭 上盤

萊切 上盤

熱刺 大

烏甸尼斯 上盤

華歷簡奴 細

曼城 大(周一賽事)