法足盃王者戰 里昂發奮糟質丙組仔

猪拉多纳

28/04/2012
文： 吉拿甸奴

跌咗個橙，當然想執番個桔，里昂今晚喺法國足總盃決賽對丙組仔奎維利，唔會留手要捧1.7倍「讓球主勝」。今季里昂已經喺法聯盃決賽飲恨，加上佢哋多數入唔到聯賽前3名，斷送進軍下屆歐聯掘金機會，今晚肯定要搶盃求交代！（now714台周日凌晨2：45直播）

盧比斯近6戰入5球

里昂喺法聯盃臨尾香加時輸畀馬賽，聯賽又落後第3位嘅里爾6分，而且中場米高巴斯圖斯、艾達臣同中堅文沙未傷愈，但里昂始終係法甲班霸，今季班費等於對手奎維利80倍，呢場可以話係榮辱之戰，有咩差池，唔止失落法足盃咁簡單，仲會成為球會史上恥辱烙印，戰意唔需要懷疑。


其實里昂最近表現唔差，射手利辛度盧比斯近6場入5球，傷愈嘅中場哥古夫更要為爭取出戰歐國盃決賽周顯身價，對家奎維利對上兩圈先後淘汰馬賽同雷恩，但阿吉始終唔信丙組仔捧足總盃呢種童話故事會出現，佢哋嘅捧盃夢係時候醒。