法足盃里昂「-1」奪奎

猪拉多纳

28/04/2012
文： 笛子波童

法國足總盃決賽，里昂於中立場鬥丙組奎維利，里昂早前於法聯盃決賽落敗，吸取教訓後，面對實力低兩級嘅奎維利應該唔會再甩拖，「讓球主客和」里昂讓一球，熱捧1.7倍「讓球主勝」。（now 714周日凌晨2時45分直播）

丙組仔奎維利難偷雞

里昂目前聯賽排第四，如果想確保下屆歐洲賽參賽資格，最簡單就係今場贏波，論人腳及大賽經驗，里昂肯定比排丙組十三位嘅奎維利高好多，後者對上兩圈先後淘汰馬賽、雷恩兩支甲組隊，相信會令里昂打醒十二分精神。


奎維利近年喺盃賽最佳成績係一○年打入法足盃四強，當時以○比一不敵聖日耳門，級數同甲組隊明顯有距，想再爆冷唔容易。