紅軍Hea踢 讓唔起諾域治

猪拉多纳

28/04/2012
文： 張志德

玩季尾波的確係有一定難度，特別係對住啲風流波，佢哋個心諗緊乜冇人知，今場會搏甩髀？定係企喺度Hea？真係只有球隊本身先知道。如此情況，如果一定要玩呢種波，都係揀番受讓一方着數，而且只適宜小注。


今晚英超利物浦作客諾域治，紅軍客Ｗ僅得1.8倍，要讓成半球，呢個盤口好唔合理。利物浦季尾成績曳到極，球隊明顯留力打盃賽，聯賽Hea踢情況嚴重，上仗主場都不敵西布朗，今次作客又點讓「金絲雀」？


利物浦個客Ｗ完全冇投X價值，「讓球主勝」有1.85倍幾好路。作為升班球隊，諾域治本季演出合格有餘，之前作客熱刺贏二比一，令細鬼印象深刻。「金絲雀」打法實際，全場搶逼令熱刺組織力大大減弱，該場簡直係技術性擊倒。之後佢哋連輸兩場只係心態問題，呢次主場打老虎，會令紅軍吃盡苦頭。（有線300及200台周日凌晨零時30分直播）