阿仙奴最忌史篤城

猪拉多纳

28/04/2012
文： 蘇豪

英超三哥阿仙奴今輪作客遇上剋星史篤城，「兵工廠」係瓷器，史篤城係缸瓦，阿仙奴班技術型球星真係最怕爛仔波，佢哋近年作客對親史篤城都冇好下場，今場讓波非常兇險，大力支持「讓球主勝」！（有線300及200台周六晚10時直播）


英超進入最後衝刺階段，阿仙奴目前領先第四位紐卡素三分，拋離第五位熱刺六分，但打多場，未穩奪歐聯席位，連續兩場失分後，今場爭勝決心特別強。不過，想贏唔代表一定贏到，「兵工廠」近四次作客史篤城，唯一勝仗係前季打多個喺尾段入兩粒奠勝，其餘三場全部輸晒，往績完全處於下風。

技術型怕兇悍攔截

阿仙奴中場阿迪達同快翼禾確特有傷雙雙缺陣，小將阿歷士張伯倫有望落場，人腳尚算完整。「兵工廠」球員技術好，地面進攻流暢悅目，不過，佢哋最怕面對史篤城呢類爛仔波，對手吓吓都波到人到，而且攔截非常兇悍，當年艾朗藍斯就曾經畀梳爾哥斯踢到斷腳，講硬淨程度，真係冇得揮！


史篤城冇降班壓力，季尾可大踢風流波，但喺主場仍能保持水準，大軍今季主場對熱刺、曼聯同曼城等前列分子都唔使輸，今次鬥阿仙奴未驚過，贏埋唔奇！