阿特蘭大季尾捱細界

猪拉多纳

24/04/2012
文： 巨高

早前因利禾奴球員摩路仙尼於比賽中意外離世，意大利足總下令取消當日所有比賽，亦將10場意甲賽事搬到本周中進行。今晚先上演阿特蘭大主場對基爾禾，兩支球隊都冇太大取分推動力，細盤可捧。


（周三凌晨零時30開賽）


阿特蘭大被扣6分起步，故此季初就已經展開護級工作，如今能打到上第十四位，證明球員嘅努力冇白費。縱然以現今積分形勢睇嚟，手執40分都未必護級成功，不過有幾隊排名較低球隊包括費倫天拿、卡利亞里、熱拿亞，為阿特蘭大作緩衝，今場冇需要太過進取。至於基爾禾因位列中游，既難爭歐洲賽資格，又不愁降班威脅，兩支球隊戰意成疑，料及雙方只會以平常心應付比賽，今場總入球數字多會偏低。

雙「卡」戰捧主W

同時間舉行仲有卡利亞里主場對卡坦尼亞。卡利亞里表現反覆，全季積分榜高低波幅達到雙位數字，真係刺激過坐過山車。而球隊有個特色，就係每逢危急關頭就會大打爭氣波，相信今場又係反彈嘅時候。對手卡坦尼亞冇乜好爭，爭勝決心一定及唔上主隊。而且幾名核心球員包括校炮手阿米朗以及後防普坦沙都因傷缺陣，今場惡唔出樣。