波童創富坊

猪拉多纳

22/04/2012
文： 笛子波童


項目︰波膽

推介︰桑坦德0︰0


西甲桑坦德主場對畢爾包，弱旅桑坦德上仗補時神奇逼和維拉利爾，其實他們幾守得，可惜進攻太疲弱。畢爾包於聯賽已近乎hea踢，尤其係作客賽事，加上已諗緊點樣於周中歐霸四強次回合逆轉士砵亭，唔會同你搏。一隊有心無力，撞正一隊無心爭勝，0比0波膽非常好路。

項目︰讓球盤

推介︰國際米蘭平手盤


今日咁多場讓球盤中，最有心水係費倫天拿主場對國際米蘭，平手盤撐國米。以費倫如此頹勢，國米唔使讓波都幾着數。另外，費倫已開始hea踢等收咧，相反國米仍有機會爭歐洲賽資格，近期又踢番起鬥志，尤其係迪亞高米列圖重拾射門鞋，在此消彼長下，國米可坐和望贏。

項目︰第一隊入球

推介︰貝迪斯

第一隊入球睇中西甲尾場的貝迪斯。首先對手華倫西亞要留力打周中歐霸四強戰，心有旁騖下主場都信唔過。其次係貝迪斯射手魯賓卡斯度狀態大勇，而貝軍近六場西甲有五次先開紀錄，加上呢隊波勁鍾意打老虎，去到「蝙蝠」地頭實行攪亂檔，不妨冷敲有2.7倍的貝迪斯第一隊入球。

項目︰單雙

推介︰基維辛迪雙

基維辛迪與里奧艾維呢對葡超球隊，某程度上今季喺聯賽已經「完成任務」。球員缺乏明確方向，今場都幾難分出勝負，握手言和就最啱數。留意到今場和波賠率低至2.75倍，似乎操盤手賽前都計到數。如果想穩陣啲可以捧埋個「雙」。其實兩隊近幾次對賽經常打和，連帶開「雙」次數都偏多，今場可再追捧。

項目︰總入球

推介︰拉素4球

去到季尾階段，唔少球隊都踢得比以往開放，主要原因係佢哋有目標要爭取，既有爭勝推動力，點會有保留，就好似意甲拉素主場對萊切，前者為來季歐聯資格而努力，後者就為保住甲組席位而奮鬥。兩支球隊都有攞分必要，拉素與萊切將會大駁火，相信入球數字偏高，總入球可選擇「4」。

項目︰半場主客和

推介︰AC米蘭半場勝

正全力爭逐聯賽冠軍嘅AC米蘭，今晚將會主場對博洛尼亞，主W熱到辣手，倒不如玩半場仲實際。現時AC米蘭爭標心切，點會同博洛尼亞歎慢板，頭四十五分肯定會「撳住搶」，早早領先費事夜長夢多。再講，AC米蘭近四場賽事有三場都係半場領先，唯一開唔到嗰場就係歐聯對巴塞。AC米蘭今場會速戰速決，「半場主勝」有1.52倍可以捧場。

項目︰首名入球

推介︰阿古路、泰維斯

曼城近兩仗鬥西布朗、諾域治攻入十球，淨係一對前鋒泰維斯及阿古路已經入咗八球，曼城為保對曼聯威脅，未踢月底打吡戰前一分都唔可以失。狼隊主場聯賽八連敗，護級大勢已去，面對來勢洶洶嘅曼城爆冷機會微。自從泰維斯回歸正選後，阿古路發揮更加如魚得水，首名入球捧晒阿古路同泰維斯啦！

項目︰大細

推介︰里昂細

法甲里昂上周末於法聯盃決賽踢至加時落敗，然後上周中再於補賽淨吞圖盧茲三蛋，連續兩場冇波入，就算今周面對羅連安特有主場之利都唔易踢。羅連安特自從季初爆冷擊敗聖日耳門，已經連續十五場作客不勝，而且佢哋作客入球能力弱，平均一場都入唔到一球，翻查紀錄佢哋對上四場作客全部開細盤，一於揀1.92倍入球細。

項目︰半全場

推介︰燕豪芬主主

荷甲燕豪芬今季主場十五場聯賽取得十三勝一和一負，其中對上八場主場勝仗當中，除面對實力較強嘅阿爾克馬爾試過半場落後（圖），其餘七場都係開「主主」。奈梅亨雖然仲有機會爭踢歐霸盃資格附加賽，不過佢哋作客燕豪芬往績太曳，連盃賽在內近六次輸五次，其中四次都係半場已落後，捧「主主」啱數。