紅魔誓保優細

猪拉多纳

22/04/2012
文： 蘇豪

曼聯畀「插水大帝」艾舒利楊格敗壞名聲，已被標籤為不道德的球隊，紅魔鬼向來喺奧脫福主場獲得唔少球證關照，不過家陣風頭火勢，大軍再難獲得好處，主場鬥「拖肥糖」愛華頓好惡踢，小勝機會較高，要細盤！


（有線300及200台周日晚7時30分直播）


曼聯聯賽主場七連勝，加埋只失一球，睇紙上賽績好似好叻咁，睇真啲，佢哋其中四場獲得五個十二碼，四度憑極刑先開紀錄，如非球證咁幫手，邊會贏得咁易呀！不過，由於個別球證做得太揚，加上艾舒利楊格啲戲太屎，插水插出禍，搞到天怒人怨，依家全世界都用放大鏡睇實球證執法，紅魔鬼想再呃個十二碼都幾難！

愛華頓穩守易開細

英超尚餘四周，假若曼市雙雄本周雙雙贏波，曼聯保持五分優勢，下輪作客曼城贏埋即可提前封王，呢個絕對係紅魔鬼上下最想見到嘅劇本。曼聯並無增添傷兵，前面靠朗尼分波，右翼路爾斯華倫西亞出波，進攻板斧係有，不過唔算多，對付弱旅仲可以恃質凌人，但愛華頓絕非善類，唔係話紅魔贏唔到，但肯定辛苦好多。


愛華頓喺足總盃輸畀死敵利物浦後，返到聯賽表面睇冇明確目標，其實仲有場牙骹戰，就係要喺聯賽騎住「紅軍」，莫耶斯同老費friend還friend，但都要向球迷交代，唔會放軟手腳送分。愛華頓近五次作客奧脫福輸晒，難免有心理陰影，今仗都係主守，伺機突襲偷雞，堅持用呢種踢法難大敗，佢哋近兩次對曼聯都僅輸0比1，再追細盤。