保頓韋根分途搏殺

猪拉多纳

21/04/2012
文： SAMVO肥叔

足球菠菜並唔係單靠運氣，肥叔經常同班後生講，想搵到啖食就一定要有基本功。


成功非僥倖，肥叔縱橫足球菠菜界咁多年，大膽講句真係乜人都見過，唔少醒目仔三扒兩撥就彈起搵一大筆，但光輝日子總係好短暫，眨眨眼就打回原形。查實要長期保持高位唔係咁易，講到尾都係個底打得唔穩，根基打唔好做乜都唔靈。唔好話肥叔講嘢老套，呢啲道理幾時都用得着。


講番今日啲波，先睇英超保頓主場對史雲斯，呢隊史雲斯依家踢緊風流波，贏又開心輸又開心。相反保頓仲要搏命護級，正式係一分都不能少。兩隊心態上有好大分別，肥叔揀保頓上盤。另外富咸主場對韋根，客隊受讓鍾意下盤。韋根近期狀態弗到你唔信，幾隻大老虎包括阿仙奴、曼聯以及利物浦都畀佢哋砌低，你都咪話唔犀利，何況佢哋仲未上岸，呢類波唔好同佢作對，揸住下盤冇衰。

奇兵利雲特受讓筍

西甲方面，重頭戲巴塞主場對皇馬絕非上佳投X場合，但要肥叔揀的話就要皇馬下盤。始終打吡戰兩隊都係咁高咁大，巴塞讓到「半一」確係嫌多，仲要低水先至過分。另外想講吓希杭主場對華歷簡奴，論近績兩隊都差唔多，但見希杭個讓平半盤都企得好硬，今場應該有料到。至於西維爾主場對利雲特，主隊今場讓得多唔抵玩寧取下盤，話晒利雲特都係今季西甲一路奇兵，西維爾唔會贏得咁容易。