哥連泰斯蓄銳爭首名

猪拉多纳

18/04/2012
文： 朱楓

聽朝南美自由盃F組上演最後一輪賽事，其中巴西勁旅哥連泰斯主場會鬥委內瑞拉球會塔奇拉。哥連泰斯日前喺州聯收起10名主力，擺明留力今戰爭首名，對住肯定出局嘅塔奇拉，有權大開殺戒，就算讓2球亦有本錢開2.15倍「讓球主勝」！（開賽時間：周四早上8：50）


哥連泰斯目前喺F組以11分排榜首，今場對塔奇拉就算和波亦足夠以首名出線，但呢支巴西勁旅日前喺州聯對邦迪比達，都照舊收起10名主力，中國新星陳志釗加盟後更首度納入19人大軍名單，可惜最後都冇獲派上陣，賽後教練達迪解釋因為覺得「陳仙奴」未ready好，可見哥連泰斯實在人才濟濟，今仗強陣出擊，3分可謂志在必得。

塔奇拉出線無望

塔奇拉目前喺G組以3分排包尾，已肯定出局，今仗話唔埋會出副選，畢竟呢支委內瑞拉球隊目前喺本土聯賽排第12，表現已經唔多掂，更出晒名係作客蟲，之前2場自由盃分組賽作客賽事全敗不特止，加埋仲失咗7球，平均每仗失3.5球，聽朝作客F組火力最強嘅哥連泰斯，真係隨時輸個其他波膽都仲得！


自由盃及亞冠盃賽制


32支參賽球隊分8組進行雙循環分組賽，每組首、次名躋身16強淘汰賽。