城南主場炸中岸水手

猪拉多纳

18/04/2012
文： RICHARD WELBING

亞冠盃G組形勢緊湊，城南一和同中岸水手於分組賽同樣三戰全和，今輪兩隊於城南一和主場交手，中岸水手剛於季後賽搏輸，仲要去得好盡，遠征存在隱憂，現時唔少莊家已壓低主勝賠率，預期城南可取得分組賽首場勝仗。（周三晚6時30分開賽）


澳職球隊出戰亞冠盃面對唔少困難，去到分組賽階段撞正季後賽關鍵時期，往往分身不暇。中岸水手上場於季後賽硬撼珀斯光輝，踢到加時兼射埋十二碼，最終輸波出局，未能殺入總決賽，呢場敗仗唔單止消耗球員大量體力，仲嚴重打擊士氣，轉過頭就出戰亞冠盃，未能予人太大信心。

搏到盡爭出線

城南一和屬韓職其中一支名牌球隊，亞冠盃經驗豐富，今屆分組賽三戰和晒，水準穩定但略嫌火力唔夠。現時G組形勢接近，四支球隊仍有機會爭出線，每場都屬六分波，去到第四輪賽事已經冇得保留，各隊需要搶分爭出線，城南一和必定會把握主場優勢爭取分組賽首場勝仗。


城南一和主勝賠率明顯被莊家壓低，現時只得1.58倍，足足要讓半一，而且水位偏低，有唔少莊家甚至轉盤，將城南轉到讓一球，盤口極硬淨，值得留意。