馬體會畢爾包有買趁早

猪拉多纳

16/04/2012
文： 阿水

正所謂一命二運三風水，做人又好，賭錢都好，有時都幾講命水。阿水老友威哥係睇波盤專家，有時一晚問佢畀幾場好波嚟賭，命中率都有7、8成以上，不過，威哥係咪成日贏大錢？咁又唔係喎，佢成日話自己賭運普通，好多時頭幾注輸完，自己冇乜信心，就算末段中到嘭嘭聲，都贏唔得番幾多。


至於做艇仔嘅文哥，佢都算係一世夠運，平時買波自己都執唔少，最搞笑係有時佢收到波盤，自己唔記得搵大莊補飛，又偏偏就晒佢開對家，無情情賺多筆。就好似上周中韋根對曼聯，走地飛唔少人都買紅魔鬼，文哥佢食得多飛都驚驚哋，點知幾次打電話搵大莊又唔通，上網買又斷線，嬲嬲哋佢最後食晒堆飛，最後曼聯輸到尾都追唔番，文哥家陣就諗緊換新車獎勵自己喎！


講番周中波盤，除咗歐聯受關注，歐霸盃4強一樣多人留意，其中場西甲內訌，馬體會同華倫勢均力敵，但出面吹晒風，馬體會首回合有計，見盤口至少都要讓半球，幾有信心，上盤真係有買趁早。另外場畢爾包作客士砵亭，據聞畢爾包一早已經將目標鎖定歐霸盃，打聯賽反而有多少留力。出面已經講緊今屆歐霸盃決賽都會係西甲打吡，畢爾包首回合都應該唔會輸，平手盤真係買得過。