基達菲發維搶歐戰入場券

猪拉多纳

16/04/2012
文： 朱楓

今晚基達菲主場鬥西維爾，1.48倍「讓球主勝」抵玩！事關基達菲地頭威力唔嘢小，近年對賽亦恰慣對手，難得主場出擊有得受讓，梗要捧場！（開賽時間：周二凌晨3:00）

西維爾近8次對賽6負

上半季曾跌落榜尾嘅基達菲，歇冬後表現大有起色，近7戰更取得4勝，唔止爬番上中游位置，假如今晚贏波，更同西維爾一樣得45分，有權攞埋下屆歐洲賽入場券。


基達菲最近排名急升，除咗班球員大爆發，其實主場威力亦幫佢哋唔少，翻查數據，原來基達菲今季主場只係輸過3仗，不敗率達80%，連巴塞同馬體會都做低過，咪睇小佢哋呀！


對家西維爾近況係就係唔錯，對上5戰獲4勝1負，可惜佢哋近8次聯賽對住基達菲，就擺明畀對手恰死，只得2勝6負劣績，今仗倒戈嘅教練米高想破呢個宿命，睇怕唔係咁易！