PSG跌Watt歐塞爾搶分良機

猪拉多纳

15/04/2012
文： 朱楓

有邊個會估到，上季仲踢緊歐聯分組賽嘅歐塞爾，家陣居然淪落到法甲榜尾，好彩佢哋近期換帥後表現明顯有好轉，今晚主場對住近排患得患失嘅巴黎聖日耳門，話唔定再有驚喜演出，受讓1球朱楓會捧1.8倍「讓球主勝」！（開賽時間：周一凌晨3：00）

傳李安納度季尾走人

歐塞爾早前怒炒教練科尼亞，請得目前多哥國家隊領隊禾爾美兼任教練，結果成績大有改善，成功擊敗華倫西恩斯終止14場不勝走勢，作客里昂同圖盧茲兩支前列強隊，都只係僅負1球而已。為免重蹈1980年覆轍再度降班，今晚主場出擊，歐塞爾當然唔衰得。


今季一直標榜要攞法甲冠軍嘅聖日耳門，近日似乎開始抵受唔住壓力，對上5場只係贏過1場咁大把，總監李安納度更暗示今季尾可能走人。雖則今晚作客榜尾球隊歐塞爾，但門將沙華托尼施古拿竟預言會非常難踢，明顯信心不足，再睇埋防守中場施素高要停賽，近3次作客歐塞爾又贏唔到，今晚要捧PSG嘅球迷，買之前真係要三思。