巨高創富坊

猪拉多纳

15/04/2012

項目︰首名入球


推介︰迪亞高哥斯達


講到首球，大家要留意西甲尾場華歷簡奴主場對馬德里體育會（now 632周一凌晨3時30分直播），其中主隊前鋒迪亞高哥斯達，當年於馬體會嶄露頭角，但於一眾射手科蘭、阿古路、法卡奧陰影下，苦無出頭之日，歇冬後被借到華歷簡奴即大爆發，已有八個士哥，今仗倒戈必比其他隊友更想入波。


項目︰半全場


推介︰烏德勒支「和主」


荷甲烏德勒支主場對芬洛，芬洛近十作客輸足九場，烏軍主場表現平穩，近兩戰都贏波。烏軍喺自己地頭多睇定嚟踢，近七次主場出擊六場開和局。再睇埋對賽，近五次交手全數開「半場和」，好明顯大家格食格下，半場會開出和局，而最後烏德勒支會全取三分，捧「和主」。

（周日晚8時30分開賽）

項目︰大細

推介︰些路迪「大」

至於入球大細方面，就睇中一場蘇足盃準決賽些路迪對赫斯（周日晚7時45分開賽）。些路迪之前在蘇聯盃決賽爆冷輸畀基爾馬諾克，故此雖重奪蘇超冠軍，但他們為一圓雙料冠軍，戰意旺盛，射手加利賀柏、梅古狀態大勇，而赫斯中場史卡素重拾射門鞋，既然大家有心爭盃兼攻得，入球大有1.92倍值得一博。

項目︰單雙

推介︰華歷簡奴「單」

華歷簡奴今季三十二場聯賽只曾打和四次，係聯賽和波次數最少球隊之一，連埋盃賽佢哋對上二十二場比賽非贏則輸。馬體會近期亦甚少和波，聯賽連歐霸盃在內，近十一場比賽得七勝四負，兩支極少和波嘅球隊碰頭，開雙機會自然較低，而且馬體會近四次贏波有三次僅贏對手一粒，入球單可一試。

項目︰總入球

推介︰阿積士「4球」

荷甲勁旅阿積士為爭標着晒火，主場迎迪加史卓普屬大炒格。迪加史卓普本季作客表現「穩定」，鬥勁旅燕豪芬、阿爾克馬爾、川迪、飛燕諾都失四球，真係巧合到爆，今場對阿積士失波都係咁上下。首循環阿積士作客迪軍，又係入四球，今次總入球「4」的確非常好路。另外近六次對賽有一半開總入球「5」，可兼顧。（now 639周日晚8時30分直播）

項目︰半場主客和

推介︰羅連安特「半場和」

法甲球隊蒙彼利埃近五場聯賽贏四場，現能力壓聖日耳門高踞榜首唔係靠符碌，不過呢支球隊好奇怪，無論佢哋對住強隊或弱旅，經常都係等到下半場才發力，就算最近兩次輸波亦係下半場先失波，今晚佢哋作客鬥羅連安特，不妨留意「半場和」。

（周日晚11時開賽）

項目︰第一隊入球

推介︰小保加

阿甲榜首球隊小保加作客排第六的堤格雷，小保加近十二場賽事全部有入球，當中更有八場率先開紀錄，其中四場屬作客賽事。

小保加近況甚勇，今仗碰上聯賽四仗不勝，且場場有失波的堤格雷，相信有能力率先取得入球。第一隊入球「客隊」有1.86倍，值得支持。

（周一早上7時10分開賽）

項目︰讓球

推介︰向日葵上盤

日乙FC岐阜主場對北九州向日葵，日乙開波至今岐阜都未贏過，可謂大魚腩，而且入球能力好弱，近三場輸晒兼冇入球。至於北九州向日葵，經過季初一段短時間低沉之後，近幾場都能夠交出好表現，單計作客亦取得兩連勝，上盤可大力捧場。（周日下午3時開賽）

項目︰波膽

推介︰祖雲達斯2：0

意甲爭標球隊祖雲達斯，周日晚作客切塞納。留意到祖雲達斯好少以大比數擊敗對手，就以近四場聯賽為例，祖雲達斯入球數字都維持喺兩至三個，揀客隊贏二比○較為合理。

（周日晚9時開賽）