畢爾包留力益晒馬略卡

猪拉多纳

15/04/2012
文： SAMVO肥叔

肥叔多次強調季尾賽事，最緊要留意球隊有乜目標，西甲畢爾包喺聯賽排中游，估計球隊最大目標已轉移至歐霸盃，佢哋將於周中四強首回合作客士砵亭，今晚主場對馬略卡，好大機會有所保留，畢爾包讓波制唔過，捧對家馬略卡。


（now 632周一凌晨零時直播）


畢爾包呢類中型班，好少有機會爭盃，難得今季打入歐霸盃四強，梗係要好好把握，尤其佢哋現時喺聯賽高不成、低不就，主攻盃賽係上乘策略。事實上，畢爾包近期喺西甲已有放軟手腳迹象，上仗對弱隊CF格蘭納達，大部分時間踢多一人，但都一度落後兩球，直至比賽末段，先至逼和對手，表現明顯走樣。


咁又好難怪畢爾包，佢哋奉行齋用本土球員政策，兵源及質素始終有限，雙線作戰對球員負荷好大，來到目前關鍵時刻，係時候作出取捨，好明顯將重心放喺歐霸盃，比較上算。馬略卡作客表現有改善，上仗仲大炒桑坦德，近四次作客僅一敗，受讓可取。

維拉利爾護級贏「德」

另外，「護級大戰」維拉利爾主場對桑坦德，維軍已經復甦，早前主場打和皇馬，踢出今季代表作，可輕取包尾嘅桑坦德。前列方面，馬拉加要爭下屆歐聯入場券，每場都要搏命，主場對積弱嘅皇家蘇斯達，三分可望手到拿來。

肥叔心水

馬拉加上盤

維拉利爾上盤

曼聯大

弗賴堡上盤

馬略卡下盤

熱刺細