維拉問題多點樣贏紅魔？

猪拉多纳

15/04/2012
文： 黃興桂

英超聯賽進入關鍵時刻，上周中作客不敵韋根嘅曼聯，今晚返奧脫福主場迎戰阿士東維拉，Peter對曼聯嘅戰意絕不懷疑，而事實上維拉在麥利殊領導下亦問題叢生，今場曼聯可穩拿三分。


曼聯喺奧脫福嘅「主場哨」優勢相當明顯，客軍維拉亦存在不少問題，問題出自領隊麥利殊。雖然麥利殊加盟維拉已接近一季，但球隊上下及球迷，始終仍未接受此人執教維拉之事實，難以激起士氣。

丙組煞科東方火併荃灣

當中最大原因，緣於麥利殊來自同市宿敵伯明翰，上季伯明翰降班，麥利殊便旋即過檔維拉，在球迷心目中，他只是一位失敗者，不得人心，並非大眾心儀嘅領隊人選。


話題一轉考考大家，當長勝遇上不敗，大家有乜睇法？本地丙組聯賽總決賽煞科日上演一場「世紀之戰」，由東方火併荃灣，東方在丙組創下長勝紀錄，至今累積二十連勝，荃灣亦錄得全季十六場不敗佳績，今午三時十五分在蒲崗村道仿真草球場對決，結果會係點？


荃灣與東方曾是甲組勁旅，兩隊近年在丙組都以健康思維推動足運，今場對決，令Peter有時光倒流幾十年的感覺，實在不得不再引用『有今生，冇來世』這句用到爛的金句來形容今仗。


金句：東方不敗保長勝 荃城情繫創新紀