|
|
15/04/2012
文： 蘇豪
英格蘭足總盃四強戰上演倫敦打吡，熱刺同車路士會師溫布萊，車仔周中要喺歐聯硬撼巴塞，唔少人揣測球隊會留力，但現時已踢到盃賽準決賽啦，仲點會勒住喎！依家車路士將帥都要為前途而戰，不分先後左右忠奸個個都搏，對手熱刺愈踢愈沉，平手盤梗係捧車路士啦！
（now 671及672周一凌晨1時直播）
車路士嚟緊周中歐聯主場決戰巴塞隆拿，即時傳出今場盃賽留力之說，個人認為呢個睇法企唔住陣腳，講真，車仔喺歐聯奪標機會真係唔高，就算咁叻仔過到巴塞嗰關，都仲要喺決賽搞掂拜仁或皇馬，根本冇把握奪冠，相比之下，足總盃係較為實際嘅目標，若果要留力一早輸波出局啦，唔使辛辛苦苦打入到四強先放棄咁傻仔！
每支強隊都有大批球員，主力同後備有時好難分得太清楚，車路士改由迪馬堤奧領軍後，呢條間線變得更模糊，依家杜奧巴同費蘭度托利斯邊個係正選先？林柏特係主力定後備呢？喺迪帥領軍下，車仔中前場再冇必然正選，今場無論出邊班人都會毫無保留搏殺，唯一不利因素係守將伊雲洛域停賽，喺死球時少咗個頂得之人爭取士哥。
熱刺睇見都唔開胃
相比之下，熱刺問題更大，佢哋前線主力莫迪歷、艾迪巴約、加里夫巴利同雲達華治都在陣，但已經踢唔番季初高水平演出，上次主場對諾域治都輸埋，球員個個垂頭喪氣，精神面貌好差，今次防線精神領袖京治有傷上陣成疑，絕對係一大隱憂。
近6次盃賽交手成績
24/02/08 聯賽盃決賽* 熱1：1車（熱加時勝2：1）
19/03/07 足總盃8強重賽 熱1：2車
11/03/07 足總盃8強 車3：3熱
10/03/02 足總盃8強 熱0：4車
23/01/02 聯賽盃4強次回合 熱5：1車
09/01/02 聯賽盃4強首回合 車2：1熱
註：前者主場，*中立場
|
|
金睛卡
发表于 2012-4-15 06:23
变色卡
显身卡