戈亞尼恩斯W邦到手

猪拉多纳

05/04/2012
文： ComboKing

巴西盃第二圈，戈亞尼恩斯主場對邦迪比達。邦迪比達上季只係一支乙組球隊，實力與戈亞尼恩斯有距離，加上戈亞尼恩斯今次有主場之利，爭勝條件比起對手雄厚，阿King一於捧主W。（周五早上8時50分開賽）

利伯泰迪吼大

戈亞尼恩斯近期喺州聯賽有唔錯演出，單計主場更取得三連勝，而且入球數字相當之高，今於主場出擊當然值得睇好。邦迪比達作客演出較差，料今場難對主隊造成太大威脅。


南美自由盃方面，E組巴拉圭球隊利伯泰迪主場對烏拉圭嘅蒙特維多國民隊，大盤可以優先考慮。兩隊都要為晉級搶分，今場一定毫無保留，踢法較為進取對開出大盤有利。


而A組賽事，秘魯球隊祖安奧列治主場對玻利維亞球隊強者，細盤係唔錯嘅選擇。祖安奧列治喺分組四戰全敗，對南美自由盃早已失去鬥心，今場只屬例行公事。強者作客又麻麻哋，作客未必攻得入祖安奧列治大門，吼細盤啱數。