熱刺專恰史雲斯

猪拉多纳

01/04/2012
文： 郭球奇

雖然史雲斯家陣只排中游，但呢支「翻版巴塞」喺球奇心目中絕對係今季英超最佳球隊之一，可惜佢哋今晚遇着剋星熱刺，又盛傳領隊羅渣士仲被熱刺挖角，試問佢點敢搗亂未來東家嘅歐聯大計？2.05倍「讓主」要捧！（有線200及300、廣東體育周日晚11：00直播）

熱刺 Vs 史雲斯

自從早前作客大敗畀死敵阿仙奴後，熱刺表現急跌，好彩日前終於止血，喺英總輕取保頓過關殺入4強，當堂令班人士氣同信心返晒嚟，個個都話嚟緊會盡全力幫熱刺殺番上前3，直接取得下屆歐聯分組賽席位。


其實熱刺唔係冇機o架，皆因佢哋餘下英超賽程超靚，對手冇「Big6」之餘，仲要大多係中下游球隊，今晚主場對史雲斯，絕對係展開大反擊嘅最佳序幕，畢竟球隊今仗陣容好完整，就連養傷多時嘅艾朗連儂都可以復出，配合加里夫巴利雙翼齊飛，加埋近期愈打愈好、盛傳會獲續約嘅賴恩尼爾遜鎮守後防，你話近14場英超主場贏足10場嘅熱刺點會咁易甩拖？

傳羅渣士下季頂替夏利叔

升班球隊史雲斯今季憑巴塞式嘅踢法，喺英超殺出一條血路，領隊羅渣士當然功不可沒，不過喺今仗賽前，英國傳媒就指熱刺有意邀請羅渣士喺下季入主，代替好大機會轉教英格蘭嘅夏利列納，聽落真係似層層，試問羅渣士點會喺依家嚟搞喎未來東家，等下季自己教熱刺時冇歐聯踢呀？再睇埋史雲斯今場有表現出色嘅中堅哥爾卡，因為借用條例所限唔畀倒戈，近6次作客白鹿徑又輸多贏少，睇怕今場就算有尼敦戴亞停賽3場後復出都插翼難飛。

史雲斯近6次作客熱刺輸多贏少

日期 戰果


91/10/09 客負1：5

83/02/12 客負0：1

82/05/05 客負1：2

日期 戰果

78/09/06 客勝3：1

71/01/01 客負0：3

49/12/10 客負1：3