潛艇換偈復航 狙擊愛斯賓奴

猪拉多纳

01/04/2012
文： 法達斯維

「黃色潛艇」維拉利爾插水大半季後，換咗副偈終於慢慢浮番上水面，今輪西甲主場遇上士氣受挫嘅愛斯賓奴，呢三分真係不容錯失，簡單要主W。


（now 632周一凌晨3時30分直播）

洛迪拿出山救亡顯功架

邊啲教練帶護級隊最好？梗係搵老帥啦，因為佢哋擁有豐富經驗，能穩住軍心。維拉利爾早前從B隊提拔前國腳摩連拿接手，呢位新丁臨場指揮欠佳，屢屢於領先下失分，最終被out。維軍痛定思痛後，邀請老帥洛迪拿出山救亡。


洛迪拿係乜水？佢就係○三年帶領有莫斯托和嘅切爾達殺入前四，翌年因分心歐聯搞到降班嘅教頭，係咪覺得維拉利爾有啲似當年切爾達呢？正因為咁，洛迪拿過往慘痛經歷，成為黃色潛艇嚟緊護級嘅重要財富。洛帥首仗領軍便逼和皇馬，跟住作客戰勝華歷簡奴，將潛艇駛離降班區，盡顯功架。


維拉利爾本身實力唔曳，只係連場敗仗致信心盡失，洛迪拿採用「心靈治療」方式激勵球員，季尾護級戰通常戰意行先，潛艇既有實力，依家信心漸復，撞正上仗黑仔倒輸的愛斯賓奴，睇嚟霉咗成季嘅潛艇終有尾運行，主W有1.86倍抵捧。