巴塞4倍「和主」博得過

猪拉多纳

31/03/2012

隨住皇馬之前喺聯賽接連失分，原本落後10分、已經打定輸數嘅巴塞，突然重燃爭標希望，教練哥迪奧拿亦改口，話會盡最大努力衞冕西甲。（now632台周日凌晨4：00直播）


可能哥帥想兌現承諾，巴塞喺周中場歐聯鬥AC依然玩留力，將柏度同法比仔擺喺後備，恩尼斯達及A山亦只係搏咗半場多啲就被換出，佢嘅諗法同莫帥一樣，就係唔想班兵去得太盡。

中位數3.5球玩埋細

大家可能會話，巴塞今場嘅對手畢爾包喺歐霸盃踢到曉飛，今晚會唔會搞寸Party呀？「亨利」就覺得唔會囉！事關畢爾包係巴塞嘅「私家包」，近6次作客對賽輸5場和1場！「亨利」認同畢爾包喺歐霸盃表現出色，正正因為咁，不如留力打好下周主場次回合好過啦！


考慮到巴塞主勝太熱，「讓球主客和-2」又太辣，「亨利」建議大家博4倍「和主」，話晒畢爾包近4次作客開咗3次半和嘛！嚟緊巴塞周中又要再鬥AC，相信巴塞今晚唔會狂數對手，中位數3.5球嘅入球細亦可以諗吓。

巴塞隆拿 Vs 畢爾包

巴塞主場旺開7+


‧連歐聯在內，近10戰錄得7勝3和，勁入28球。

‧近6次主場出擊全勝，連開2口總入球7+。

畢爾包3月搏到殘

‧未計今仗，今個月踢咗8場波，全部係一周雙賽。

‧近4仗西甲作客1和3負，失咗8球。