巴塞對攻玩大佢

猪拉多纳

31/03/2012
文： 法達斯維

兩支好大喜「攻」球隊會師魯營，巴塞隆拿迎戰「瘋子兵團」畢爾包，大家同樣兵疲兼有歐戰後顧，防守有甩漏在所難免，就算中位數轉為3.5球，照捧大！（now 632周日凌晨4時直播）


其實呢場波之前，雙方都就賽期問題同西班牙賽會協商，可惜「順得哥情失嫂意」，結果畢爾包成為犧牲者，剛踢完歐霸作客德國史浩克，抖唔夠兩日便要出征魯營，對球員的體能要求極大。


另外，畢爾包已闖入西班牙盃決賽，對手咁蹺又係巴塞，由於巴塞肯定奪得歐聯資格，變相畢爾包亦穩奪下屆歐霸參賽席位，既然畢軍爭前四無望，下周中仲有歐霸盃八強次回合後顧，今場留力理所當然。

巴塞搶韁吼半場勝

雖然巴塞周中歐聯同AC米蘭互交白卷，次回合都要搏，但依家佢哋聯賽只差皇馬六分，冇可能繳械投降，故此巴塞今場唔會放過畢爾包，入波一定多，1.72倍大咪嫌少。另外，預計巴塞會速戰速決，「半場主勝」亦可考慮。