小保加自由盃主W爆廠

猪拉多纳

29/03/2012
文： ComboKing

南美自由盃D組賽事，阿根廷名牌小保加主場對沙蘭迪兵工廠。兩支阿根廷球隊對決，小保加當然可優先考慮。實在小保加出線形勢仍未明朗，今場一定借主場之利向對手施壓，阿King先揀1.52倍主W。（周五早上6時45分開賽）


小保加於最近一場自由盃，就係作客擊敗沙蘭迪兵工廠，今次雙方主客互調，沙蘭迪兵工廠就更難反勝對手。從對賽往績所見，小保加近三次主場對沙蘭迪兵工廠都能夠勝出，可見場地因素對小保加有幾重要。沙蘭迪兵工廠於自由盃分組賽僅取一勝，所擊敗嘅對手為D組魚腩委內瑞拉球隊FC薩莫拿。沙蘭迪兵工廠級數唔高，小保加要贏波冇難度。

富明尼斯有「薩」氣

同組另一場比賽為FC薩莫拿主場對巴西球隊富明尼斯，FC薩莫拿球員質素平庸，本身喺聯賽表現又冇料到，預計今場好難對富明尼斯造成威脅，富軍喺D組三戰全勝，位列榜首，實力明顯較高，今場客W值得睇好。最後奧運足球外圍賽，阿曼U23與烏茲別克U23齊齊飛到中立場越南河內比賽，留意到阿曼U23入球能力唔強，大手交易機會相對較低，細盤可留意。