錫菲聯拆「車」爭升班

猪拉多纳

28/03/2012
文： 查理阿蛋

英甲進入最後大直路，升班資格嘅競爭相當激烈！錫菲聯乘住上場大炒諾士郡嘅勢頭，今晚喺主場迎戰榜末嘅車士打菲特，一定會全力搶分，力爭直接升班資格，小妹當然捧2.1倍「讓主」啦！（開賽時間：周四凌晨2:45）

車士打菲特捧盃後輸體力

雖然車士打菲特啱啱喺英格蘭聯賽錦標擊敗史雲頓捧盃，但係小妹就唔睇好佢哋可以喺聯賽繼續有好表現，首先呢支面臨降班嘅包尾大幡，喺英錦決賽一度畀英乙嘅史雲頓㩒住嚟踢，唔算贏得有說服力之餘，連體力都輸蝕埋，二嚟佢哋喺今季英甲作客只得2場勝仗，當中只有兩場冇失過波，今次造訪爭取直接升班嘅錫菲聯，以佢哋條防線嘅有限質素，想守得和都成問題。


錫菲聯近排走勢雖然放緩，3月踢咗7場波只得3勝2和2負，好彩佢哋上場作客諾士郡踢出代表作大炒5:2，重燃直接升班希望，連教頭威爾遜都開心到話：「呢場波嘅表現真係非常、非常好！」何況件神射手卓雲伊雲斯弗到入波當食生菜，贏波上番頭兩位又有咩難度先？