西布朗喜鵲大騒去片

猪拉多纳

25/03/2012
文： 蘇豪

英超是日獨腳戲西布朗主場對紐卡素，「喜鵲」近期作客中門大開，對上五場作客聯賽狂失十五粒，即使擁有塞內加爾雙鋒都唔掂，今次對住西布朗預期又會連番失守，結合兩隊近十次交手九次開大，捧大盤最穩！（有線200及300台周日晚11時直播）


作客向來係紐卡素弱項，球隊上半季順風順水，所以唔多覺，近期氣勢回落開始現形，對上五場作客聯賽輸四場，面對熱刺同富咸同樣失五球，五戰合共勁失十五球，平均每場失三粒，自己一隊都夠開大。正路情況下「喜鵲」防守唔係咁差，但班守將一輸開就會散晒，鬥志認真麻麻。

紐卡素入得失得

紐卡素後防地莊人腳，冇乜得變，今次再次作客出戰，實在難以予人信心。尤幸球隊進攻球員質素高，一對塞內加爾射手丹巴巴亞及柏比斯施斯都有分量，法國進攻中場賓艾化近期以「洛賓式」踢法活躍於右路，切入中路左腳射門甚具威脅，今次對住西布朗，相信球隊唔會食白果。

近10次交手9大

西布朗後防主力莊拿斯奧臣傷愈可候命，射手奧丹維治亦可復出，人腳回復完整，奧丹維治非常射得，對住紐卡素條豆腐防線實搵到甜頭。翻查往績，雙方近季對戰入波多，對上十次交手九場開大，近五次碰頭最少都有四球交收，今場勢將再次上演入球騷！