熱刺看透細情

猪拉多纳

21/03/2012
文： Mic少

梅姆巴心臟病發事件，令保頓球員冇心情比賽，該仗目睹事發經過嘅熱刺球員亦蒙上心理陰影，仲拉隊去做心臟檢查，隨時影響佢哋今晚英超主場對史篤城嘅發揮。主Ｗ1.34倍過熱唔抵玩，寧揀2.05倍入球細。


（有線302及202台周四凌晨3時45分直播）


今次事故搞到英超球員人心惶惶，驚踢踢下波搞到命仔不保，尤其熱刺球員更立即去做心臟檢查，今場波相隔梅姆巴球場昏倒事件只有四日時間，Mic少擔心對佢哋情緒仍有影響，未能集中精神比賽。特別係周中開完快車，熱刺嚟緊周六又要作客車路士，賽程密、對手強，喺目前時勢下，領隊夏利列納都冇計，只能叫球員盡力而為。


Mic少認為熱刺最合理做法，係今場稍作保留，取得領先優勢後歎慢板，畢竟攞三分已足夠，唔需要大炒，最重要係留力應付周六對車路士嘅下屆歐聯入場券爭奪戰。

史篤城遇強守得穩

史篤城出名攻力差，今季平均每場聯賽入唔夠一球，所以要作客入熱刺波並唔容易。不過史篤城勝在踢法硬淨，防守唔錯，近四場英超作客雖然只得一和三負，但要留意當中包括悶和利物浦○比○、對曼聯及車路士亦分別僅輸○比二及○比一，預料史篤城今仗即使輸都係小負居多，入球細逾2倍好分頭值博。