韋斯咸怕輸驚一細

猪拉多纳

17/03/2012
文： Combo King

今日阿King集中推介英冠賽事，要（目及）實列斯聯主場鬥韋斯咸。「錘仔幫」近期不斷畀自己球迷噓，點解？只因領隊艾拿戴斯戰術非常保守，驚輸之心路人皆見，鬥實力分子情況更嚴重，近期鬥卡迪夫城、修咸頓、伯明翰都開細。列斯聯新帥禾諾克執正後防，細盤好路。


（now 638周六晚11時直播）

列斯聯新帥求穩

韋斯咸人腳於英冠超班，但勝率不高，只因艾帥推崇防守戰術，主場周時老鼠拉龜，作客亦唔敢冒進，搞到球迷好不滿。「錘仔幫」目前排第三，相信艾帥唔會改變戰術，今場一樣以穩行先，球隊近六戰五次開細，點可以唔追？列斯聯新帥禾諾克剛上任，首個功績就係成功改善防守力，帶隊四仗僅失一粒場場開細，今場唔會例外。


另一場唐卡士打主場鬥打比郡，唐軍護級形勢水深火熱，球隊又專於主場搵食，比基安尼、迪奧夫都有料入波，客軍身處中游冇壓力，捧大。之後睇埋水晶宮主場對侯城，侯城近七作客六場開細，水軍攻力亦麻麻，捧細。