波圖開火明恰國民

猪拉多纳

16/03/2012
文： ComboKing

今季葡超競爭激烈，三支球隊包括波圖、賓菲加及布拉加都有機會爭霸，其中榜首波圖今輪將作客國民隊。基於地理關係，以往國民隊喺主場出擊都甚有威力，但今季主場冇晒霸氣，聯賽主勝率亦不足五成，加上國民隊有名牌恐懼症，相信波圖今場可輕取對手，阿King揀1.95倍「讓球客勝」。（周六凌晨3時開賽）




波圖現時只以一分之微領先次席賓菲加，稍有差池就會畀對手趕過，所以今場對國民隊可以話不能有失。其實波圖於歐霸盃已經畀曼城淘汰，現時可以集中精神爭奪聯賽錦標，戰意唔使懷疑。加上佢哋前場火力十足，以兩球或以上差距勝出唔係難事。




連同聯賽及盃賽，國民隊喺主場已曾輸過畀賓菲加、布拉加及士砵亭三支名牌球隊，今場遇上另一支強隊波圖，相信國民隊都係「頂唔住」。留意到國民隊近期失球數字比較高，後防不穩對波圖爭勝更有利。


賓菲加炒「比」你睇


另一場葡超係賓菲加主場對比拉馬，賓菲加今季聯賽主場只輸過畀波圖，其餘十場全部贏晒，可見佢哋喺主場出擊好有把握。比拉馬只屬護級球隊，實力遠不及主隊，今場作客隨時慘敗。留意賓菲加前鋒奧斯卡卡度素，呢位巴拉圭長人仍要為神射手寶座而努力，今場又點會放水畀弱隊。




此外，皇馬青訓產品洛迪高摩連奴揚言要以好表現換取賓菲加長約，今場一定盡騷哥利。賓菲加雙箭頭鬥志一流，料今仗會有大量入球，賓菲加「-2」照捧「讓球主勝」。最後澳職墨爾本勝利主場對威靈頓鳳凰，主隊近期狀態一般，客W有2.7倍抵玩。