曼城搏命飛砵大反擊

猪拉多纳

15/03/2012
文： 朱楓

英超「富豪勁旅」曼城近排喺歐霸盃同英超接連落敗，為息民憤，今晚喺歐霸盃16強次回合，主場對葡萄牙球隊士砵亭唔輸得，好彩「藍月亮」歐洲賽主場有保證，有力反勝作客蟲士砵亭，1.65倍「讓球主勝」值捧！（有線61及201周五凌晨4:05直播）




曼城近排勁黑仔，繼歐霸盃16強首回合作客不敵士砵亭0:1後，返到英超又作客輸畀史雲斯0:1，將榜首讓咗畀曼聯。係人都知英超冠軍比歐霸盃重要，不過領隊文仙尼賽前就話球隊今季目標係雙冠王，暗示今晚會派強陣應戰。雖然高柏尼同尼史葛一對中堅今晚倦勤，又要用番成日甩漏嘅史提芬沙域，不過曼城勝在前線「夫添」，中場耶耶托尼刑滿，迪斯高、阿古路同巴洛迪利三大箭頭都可隨時候命。


士砵亭門口狗唔齊腳


更加重要一點係，曼城喺歐洲賽主場戰績強勁，已經連續16場未輸過，總計獲13勝3和，加上歷來主場對住葡萄牙球隊又2戰全勝，朱楓覺得曼城今晚只要打出一貫水準，贏兩粒反勝出線絕對冇難度。




士砵亭自從由沙賓圖執教後，表現大有改善，連首回合主場贏曼城在內，自2月上任後只試過1次贏唔到波。不過士砵亭對上10場作客只得1勝4和5負，歷嚟作客英格蘭球隊亦只得2勝2和5負，擺明係門口狗，加上有正選右閘荷奧彭利拿停賽，作客曼城隨時大跌watt，落得好似日前歐聯巴素利咁嘅下場！




首回合：曼客負0:1

好久没做猪