畢爾包3虎出柙 斬妖除魔

猪拉多纳

15/03/2012
文： 力奇

連上場爭入前四嘅西甲大戰都捨得放棄，西甲畢爾包今晚喺歐聯16強次回合主場迎戰英超曼聯，擺到明係志在必得。以洛蘭迪為首嘅3大主力上仗對奧沙辛拿缺陣，今晚同時復出面對住鬥志麻麻嘅紅魔，唔難做到坐和望贏，平手盤我捧2倍畢爾包。（有線61及201周五凌晨2:00直播）




畢爾包今季表現令人喜出望外，目前排喺西甲第7，只距離攞得歐聯資格嘅第4位馬拉加3分。但喺啱啱嘅周日佢哋作客對第6位嘅奧沙辛拿，主帥比爾沙竟然大膽到將射手洛蘭迪、中場安達靴里拉同查維馬天尼斯3大主力齊齊擺喺後備席，最終前兩人都只係喺換邊後登場踢45分鐘，但就輸咗1:2，咁大犧牲咪係為留力打歐霸囉！


長人射手洛蘭迪弗爆


長人洛蘭迪今季雖然曾受傷患困擾休戰，但依然喺各路戰線取得21個入波，狀態鬼咁好。至於兩大中場新星安達靴里拉同查維馬天尼斯同樣創造力驚人，其中查維馬天尼斯更盛傳得到包括皇馬在內嘅大球會垂青，今晚3名主力同時復出，加上守將阿武列比達嘅歐霸波監刑滿，畢爾包喺主場「夫添」出擊，自然值得秤先。


曼聯焗攻防線唔多穩


首回合喺主場輸2:3嘅曼聯，就算今晚贏1球都隨時因為作客入球優惠出局，焗住攻博大捷，形勢相當不利。紅魔今仗防線續有基斯史摩寧養傷，由莊尼伊雲斯拍住里奧費迪南鎮守中路，踢歐洲賽總係唔多穩陣，就算前線有朗尼入幾多，後面都隨時輸凸。此外，兩名中場湯卡華利同路爾斯華倫西亞又再次傳出有望後備登場，不過佢哋久休復出，狀態有限，試問又幫得到幾多吖？




首回合：畢客勝3:2




賽果熱線：2707 9900

周五凌晨4時20分起至晚6時止

歐霸盃賽制

16強採主客兩回合制，今輪為次回合，若兩回合總比數賽和，作客入球較多一方為勝，若作客入球數字相同，則在次回合90分鐘後加時30分鐘，若雙方在加時取得相同數量入球，由作客一方勝出，若加時沒有入球，則互射12碼分勝負。

好久没做猪