馬體會作客翻嗒比錫達斯

猪拉多纳

15/03/2012
文： 法達斯維

今晚歐霸盃做主角，持續復甦嘅馬德里體育會作客土耳其比錫達斯。馬體會十六強首回合主場贏3比1，比錫達斯只要喺「地獄主場」淨贏兩粒便可晉級，但唔代表比錫達斯有能力扭轉敗局。相反馬體會有決心爭歐霸盃，寧買當頭起，信多次馬體會，捧客W。




（有線63及203台周五凌晨4時05分直播）




好多球隊都喜歡搵昔日名將回巢執教，但唔係個個都掂，舒利亞便教到紐卡素降班。馬體會高層近年錯誤不斷，但今次邀請舊將施蒙尼接掌兵符非常明智，呢位曾在阿根廷、意大利教過波嘅馬體會名宿，提倡先穩固防守、再調整進攻嘅執教理念，收到成效，無論係季初大跌Watt嘅中堅高甸，定係雪藏多時嘅伊度亞度沙維奧，都在施蒙尼麾下重拾佳態。


比軍葡國三寶冇料到


另外，法卡奧、迪亞高、阿祖安盧比斯同伊度亞度沙維奧嘅進攻組合磨合成熟，令馬體會入球停不了。雖然比錫達斯有個作客入球，但近況太曳連續五場未贏過，葡國三寶曉高艾美達、哥利斯馬同沙保沙冇料到，好難期望佢哋幫比軍收復失地。既然雙方狀態各走極端，梗係撐馬體會客W啦。

好久没做猪