銀河季初病發作難贏多倫多

猪拉多纳

14/03/2012
文： 自由恒

近年唔少美職球星都會趁冬季休戰期間，返去歐洲主流聯賽打散工，美其名係保持作戰狀態，但實際上非常影響所屬球會嘅季前備戰，畢竟佢哋2月尾先返去報到，集訓兩個星期唔夠又話開咧，喺季初階段確係比較輸蝕。




喺早兩個月輸出最多借將嘅美職球隊，肯定非洛杉磯銀河莫屬，除咗轉戰英超嘅當路雲同埋羅比堅尼之外，其實仲有去過德甲紐倫堡嘅中堅奧馬干沙利斯，可惜因為傷得重，一場波都冇踢過就面臨提早收咧，結果銀河冇咗3名主將參加集訓，搞到得出個季初病，繼上周中北美洲冠軍盃8強首回合僅和FC多倫多2:2之後，上場美職開鑼戰更主場輸波，以1:3不敵皇家鹽湖城，聽朝喺中冠盃次回合主場再戰多倫多，似乎都未係時候回復最佳水準。


近5次交手都打和


對手FC多倫多為備戰中冠盃8強戰，於首周美職開鑼戰輪空，所以絕冇可能係足智彩資料庫話嘅排包尾19位。佢哋今場波除咗以逸待勞，睇番對賽往績，近5次交手竟然都與銀河不分高下，受讓要3.1倍「讓球客勝」。（開賽時間：周四早上10:00）




首回合：洛客和2:2




足球重心：FC多倫多（讓球客勝）




馬膽推介：1場F火燎腚

改配郭立基之後學識留力，戰績亦有明顯改進，上仗沿途外疊都可以捱番一席第2，今仗執番個2檔又到佢守好位，可望扶搖直上。

好久没做猪