皇馬陸軍 「細」均力敵

猪拉多纳

14/03/2012
文： 走肖

「銀河艦長」莫連奴以往5次領軍對莫斯科中央陸軍，每場都好難咬得入對方，全部開出入球細。今晚皇馬喺歐聯16強次回合再遇中央陸軍，入球大細中位數開到3.5球，當然繼續追1.87倍細着數，因為皇馬揸住個作客入球喺手唔使搶攻，而陸軍嘅日本國寶本田圭佑又要紮住上，根本冇本錢鬥攻，點開入球騷？（有線61及201周四凌晨3:45直播）


寸王帶隊遇陸軍全開細


首回合兩軍踢成1:1，計埋之前執教車路士同國米，寸王帶隊喺歐聯5次遇上中央陸軍，從未開過入球大，04/05年球季車仔分組賽主場贏2:0、作客贏1:0，前屆國米喺8強主客場同樣以1:0贏波，反映佢唔係太敢吩咐球員同中央陸軍搶攻，而且佢哋首回合揸住粒作客入球，今戰唔失波已足以晉級，怕輸當然唔易開入球大。




雖然皇馬有射手賓施馬好番，並且喺對貝迪斯嘅西甲中復出，但弊在翼鋒迪馬利亞同左閘法比奧干查奧仲未康復冇練波，中場卡卡嘅狀態又略嫌反覆，考慮到莫連奴唔夠攻擊球員用，呢場勒住踢絕對唔奇。


Honda夾硬踢狀態難靠


另方面嘅中央陸軍實力唔曳，首回合喺主場逼和皇馬，其實已經算叻仔，事關皇馬近34場比賽中，除咗3次對巴塞W唔出，其餘31場有30勝1和，唯一贏唔到嘅就係中央陸軍，今鋪要求陸軍突然大敗，似乎大貪咗啲。




之不過中央陸軍雖然守得穩，但鋒力只係一般，而且佢哋件中場王牌本田圭佑，之前終於克服傷患，個人仲連續2場交出助攻，可惜早兩日佢前往莫斯科戴拿模又再整傷左邊大髀，雖然Honda死撐話傷勢根本唔嚴重，但依家佢夾硬踢，究竟剩番幾多成狀態？真係冇人知，唔似幫到手開入球派對囉。


橫數千軍


皇馬歐聯分組賽少失波

‧近9次主場對俄羅斯球隊7次勝出。

‧分組賽6戰有5場保持不失。

中央陸軍連開3口雙

‧開季後連續3場開入球雙。

‧前屆16強曾經淘汰同樣來自西甲嘅西維爾。

歐聯賽制：

今輪為16強次回合，採兩回合主客制。若兩回合總比數打和，先計作客入球優惠，再和則在次回合90分鐘後加時30分鐘；若雙方在加時取得相同入球數字，客隊將晉級；若互交白卷則射12碼決勝。

周三第1口孖膽推介

關次 對賽隊伍 賽事 半場/全場

一 車路士 Vs 拿玻里 歐聯 0:0、1:0、0:1 / 2:0、2:1、3:1

二 皇家馬德里 Vs 莫斯科中央陸軍 歐聯 0:0、1:0、2:0 / 1:0、2:0

截止受注時間：3月15日凌晨3:45推介：朱楓

賽果熱線：2707 9900　周四凌晨3時50分起至晚6時止

好久没做猪