國體會搶榜首顯強者本色

猪拉多纳

13/03/2012
文： 法達斯維

明早有南美自由盃分組賽，睇中A組巴西國際體育會主場對玻利維亞強者。巴西勁旅國體會係自由盃常客，既然巴甲未開鑼，佢哋依家可專心打好呢個盃賽，點秤都高過強者，「讓球主勝」走唔甩。（周三早上9時開賽）


能夠參與呢項「南美歐聯」，國體會點會唔搏呢？其實佢哋係○六年自由盃盟主，之後更喺世界冠軍球會盃擊敗巴塞隆拿稱王，側面證明國體會非常重視此盃。今季國體會實力有增無減，除保留迪阿歷辛度、祖奧等骨幹外，仲簽下前聖保羅射手達高巴圖。此子之所以加盟國體會，係因為聖保羅冇得打今屆自由盃而扭計要走，他先後三次出戰都鎩羽而歸，期望能喺國體會一圓捧自由盃心願。無論實力、經驗、決心，國體會兼而有之，趁巴甲仍未開咧盡快搶夠分，鞏固小組出線資格。

強者露餡難再偷雞

呢組形勢微妙，出線大熱山度士同國體會出師不利，反而強者取得兩連勝。不過，經過兩場熱身後，相信已摸清強者底細，加上這支玻利維亞球隊今次冇高海拔之助，唔會係國體會對手，國體會「讓球主客和」讓二球都冇有怕，照捧「讓球主勝」。