阿仙奴槍火橫行

猪拉多纳

12/03/2012
文： 蘇豪

今夜英超獨腳戲阿仙奴主場迎戰紐卡素，「兵工廠」上周中歐聯悲痛出局，但贏盡士氣，可謂置之死地而後生，現時大軍於各項盃賽畢業，可專心爭歐聯席位，以球隊近四次主場出擊全勝兼轟入十八球強勢，今仗可炒「喜鵲」，捧「讓球主勝」。（有線200及300台周二凌晨4時直播）


阿仙奴於歐聯首回合對ＡＣ米蘭輸四粒，次回合贏番三球，雖然含恨出局，但總算延續近期反彈氣勢。「兵工廠」上場大勝ＡＣ三比○，連同前仗聯賽狂數熱刺，以及上輪聯賽反勝利物浦，近三戰全勝轟入十球，全面走出谷底，仲要重上巔峰狀態，主帥雲格由被噓變被讚，眾將由迷失到重拾信心，對季尾爭入前四奪取歐聯席位非常重要。目前阿仙奴與車路士同得四十九分，分列四及五位，紐卡素四十四分排第六﹐今仗阿仙奴若勝，便可進一步拋開紐卡素。

支支炮都咁射得

阿仙奴今季大部分時間進攻靠隊長尹佩斯一個打晒，近期終於有改變，路斯基鹹魚翻生，於中前場起到串連作用，兩隻快翼禾確特同阿歷士張伯倫愈踢愈生，球隊攻擊點多咗，對手唔易防範。


紐卡素客戰捱打


紐卡素上半季戰績理想，但踏入新一年開始死火，射手丹巴巴亞鋒芒太露，長期被對手緊纏，其拍檔柏比斯施斯仍需時間融合球隊，作用有限，最弊係防線踢到走晒樣，近四次作客輸三場，先後畀富咸同熱刺大炒，兩場都係失五球，完全唔係路。另外，「喜鵲」近五次作客阿仙奴輸四場，每場最少淨輸兩球，今次睇怕都係等炒！