博奧沙辛拿下盤吔「包」

猪拉多纳

11/03/2012
文： 鄭少偉

啱啱周中歐霸盃16強首回合，曼徹斯特市雙雄齊齊落敗，搞到成街都眼鏡碎，作客成功「降魔」嘅畢爾包，今晚回歸西甲作客奧沙辛拿都要讓平半，撞啱主隊近排喺主場戰績唔錯，連巴塞嚟到都要擺低3分，今戰唔似會輸波，亨利決定敲主隊嘅1.8倍下盤！（now 632台周一凌晨4:30直播）

畢爾包或留力鬥紅魔

各位波友如果有睇開西甲，相信唔會對畢爾包作客砌低曼聯感到好驚訝，事關佢哋曾經令「外星球隊」皇馬同巴塞吃盡苦頭，實力真係唔講得笑o架！今晚佢哋聯賽作客對住嘅奧沙辛拿都唔嘢小，睇嚟會有場龍爭虎鬥！


講近況，畢爾包當然秤先啦，佢哋喺近5場賽事錄得4勝1和佳績，不過佢哋亦唔係完全冇隱憂，呢班波喺歇冬後嘅兩個幾月，加加埋埋踢咗18場波，如果人腳好似皇馬咁充裕就梗係無問題啦，不過畢爾包踢嚟踢去都係正選嗰11個，亨利真係擔心佢哋會搏到殘晒！而且嚟緊個星期仲要大戰曼聯踢埋次回合，呢場波話唔定會留力，主隊奧沙辛拿主場近況唔錯，連巴塞去到佢哋地頭都要擺低3分，今晚對畢爾包有能力保住不失，一於博佢個1.8倍下盤！